Help

Prikbord
Riba prikbord e "Webmaster" ta komuniká ku e bishitantenan di www.BasilaChill.com
Akiriba e ta skibi tur e informashonnan aktual tokante di e "website" aki.

Radio
Pa skucha radio riba BasilaChill, tin ku simpelmente "klik" riba e "link" ku e teksto "Radio" den e "menu" ariba di BasilaChill.
Te abou ta aparesé tur e emisoranan di radio ku por wordu skohe pa skucha.
Despues di a skohe e emisora deseá, un "player" ta habri na man robes i kuminsa transmití e programashon ku tin na e momentu ei.
Na parti ariba di e "player" tambe ta aparesé e logo di e emisora tokando. Si klik riba e logo, den un bentana nobo e "website" di e radio ta habri.

Guestbook
E Guestbook ta algu ku radionan por “bestel” serka Basilachill pa asina esaki wòrdu aktiva. Ku e guestbook Basilachill ta ofrese radionan un servisio ku por stimula i mehora e interakshon entre skuchado i radio. Esaki nos ke logra dor di duna tantu e oyente i presentador na radio e opshon pa manda mensahe “bibu” pa otro via di Basilachill. Oyentenan por manda un mensahe den e guestbook dor di simplemente "primi" riba e "link" ku e teksto "Guestbook" kual ta abou di e radio ku ta tokando. Na momentu ku primi riba e konopi ta aparesé na man drechi un e guestbook ku tur e mensahenan ku a wordu manda. Te abou por yena nomber i skirbi bo mensahe i yena e “verification code”. Ora kaba di yena tur esaki primi riba e konopi “Send comment” i bo mensahe ta aparese den e guestbook pa e radio i tur bishitante.

Contact (Below Radio)
Ku ke manda un mesahe priva pa e radio por hasi esaki dor di primi e knopi “Contact”. E mensahe aki ta kompletamente priva, solamente e direktiva di e radio por mira esaki.

Televishon
Pa wak televishon e proseso ta igual ku pa skucha radio, manera ta deskribi ariba.
Simpelmente "klik" riba e "link" ku e teksto "Televishon" den e "menu" ariba di BasilaChill.
Te abou ta aparesé tur kanalnan di televishon ku por wordu skohe pa por wordu mira.
Despues di a skohe bo kanal deseá, un "pantaya" ta habri i kuminsa transmití e programashon ku tin na e momentu ei.
Na parti ariba di e "pantaya" tambe ta aparesé e logo di e kanal di televishon. Si klik riba e logo, den un bentana nobo e "website" di e televishon lo habri.
E uniko diferensia ku televishon tin for di radio ta ku si bo "klik" dos bia (double-click) riba e pantaya di e televishon, e pantaya ta habri na su maksimo (fullscreen).

Chat
Pa chat ku otro bishitantenan riba BasilaChill, tin ku simpelmente "klik" riba e "link" ku e teksto "Chat" den e "menu" ariba di BasilaChill.
Un bentana nobo ta habri ku entreotro un "box" pa yena nòmber. Akinan sikiera yena nòmber i primi riba e konopi "send".
Despues di esaki e programma ta drenta den e zona general, kaminda por wordu di chat ku e otro personanan presente.
Pa manda mensahe publiko, mensahe pa tur personanan presente den e chatroom, tin ku simpelmente skibi bo mensahe den e "box" te abou i primi riba e konopi "send".
Pa manda mensahe priva, mensahe pa solamente un sierto persona "online", tin ku simpelmente "klik" riba e persona aki su nomber den e "menu" na man drechi.
Un "box" apart ta habri, kaminda por kombersa priva ku e persona selekta.
Den un kombersashon priva tambe tin e opshon pa mira otro, dor di simpelmente "klik" riba e "konopi" ku e teksto "webcam". Pa por hasi uzo di esaki, mester tin un "webcam" installa riba e "computer" ku ta wordu huza pa "chat" na e momentu ei.

	Ignora un persona. E persona no por manda mensahe den bo zona priva mas.
	IGNORA un persona. E persona no por manda mensahe den bo zona priva i tampoko mas via di e zona general.
	Sera e bentana pero bo kombersashon NO ta bai pèrdi.
	SERA E BENTANA pero bo kombersashon SI ta bai pèrdi.

Saludo
Pa manda saludo riba BasilaChill, tin ku simpelmente "klik" riba e "link" ku e teksto "Saludo" den e "menu" ariba di BasilaChill.
Te abou ta aparesé un "box" kaminda ta posibel pa yena e saludo.
Si despues primi riba e konopi "submit" ku tin banda di e "box" pa yena saludo, pronto e saludo ta aparesé den e banner ariba di BasilaChill.

Wega
Pa hunga wega riba BasilaChill, tin ku simpelmente "klik" riba e "link" ku e teksto "Wega" den e "menu" ariba di BasilaChill.
Te abou ta aparesé tur e weganan disponibel. Skohe e wega deseá, hunga bai gol i purba kibra recordnan (highscores) pone dor di otro bishitantenan.
(Aktualmente nos a kaba di kuminsa ku e sekshon aki pues ta 2 wega so ta disponibel, keda pendiente pa mas den futuro.)

Kontakto
Si bo ke manda un mensahe, sa mas informashon òf bo ta interesá pa pone bo radio of televishon riba BasilaChill, bo por tuma kontakto ku nos libramente vía di nos 'link' di "kontakto" ku ta riba nos pagina prinsipal.
Nos ta hasi nos maksimo esfuerso pa kontestá bo preguntanan mas pronto ku ta posibel.

Go to: Information, Rules, Help, Contact